Kontsulten modulu berria Geobisorean - geo

Geobisorearen kontsulten modulua aurkeztuko dugu. Hemendik aurrera, gai hauei buruzko informazioa zerrendatu, lokalizatu eta esportatu daiteke:

• Bide-sarea: Arabako bide-sareko errepideak kokatzen ditu
• Puntu Kilometroak: Adierazitako puntu kilometroa non dagoen adierazten dizu.
• Katastroa – Eraikinak: Poligono jakin baten barruan dauden eraikinak zerrendatzeko, aurkitzeko, bakoitzaren irudia kontsultatzeko eta zedula informatiboa deskargatzeko aukera ematen du.
• Katastroa – Partzela hiritarrak: Arabako herrigune guztietako partzela hiritarrak kokatzen ditu, katastroko erreferentzia adieraziz. Gainera, informazio-zedula deskarga daiteke.
• Katastroa – Partzela landatarra: Lurralde Historikoko edozein puntutako partzelak aurkitzen ditu, katastroko erreferentzia adieraziz. Gainera, informazio-zedula deskarga daiteke.
• Landatar bideak: Kontzeju baten barruan inbentariatuta dauden bideen kontsultak. Zerrendatu, ezaugarriak kontsultatu eta mapan koka daitezke.