Deskarga-gunea - GeoAraba - geo
Deskarga gunea
Deskarga guneak aukera ematen du Arabako Lurralde Historikoarekin lotutako informazio geografikoa bilatzeko eta deskargatzeko.
Askotariko informazioa dago eskuragarri: 1970etik gaur egunera arteko kartografia historikoa, 1932tik aurrerako ortoargazkiak eta irudiak, zerbitzu sareen inbentarioak, hirigintza plangintzari buruzko dokumentazioa, katastroa, informazio geodesikoa, INSPIRE fitxategiak eta administrazio barrutien eta onura publikoko mendien mugak.
Informazioa deskargatzeko hainbat modu daude, guztiak doakoak; hautatu zure premietara hobekien egokitzen dena
GeoTeka, GeoArabako deskargen bisorea
GeoTeka sortu zen gure kartotekako eta fototekako milaka dokumentu bisore bakar baten bidez modu intuitibo eta errazean zabaltzeko. Dokumentu kartografiko eta fotografiko ugari aurkituko dituzu, bai gaur egungoak bai historikoak.
Lurraldeko edozein tokitara joan zaitezke, eta han eskuragarri dagoen informazio geografikoa, kartografikoa eta fotografikoa lokalizatu. Oso erraza da: mapan zehar nabigatuz bilatzen eta deskargatzen da.
Gaur egun, GeoTekan honako hauek daude eskuragarri:
-
Kartografia historikoa eta gaur egungoa, hainbat eskalatan (PDF, DXF, DWG, KML eta SHP formatuak).
-
Egungo argazki dokumentuak eta historikoak, hala nola aireko argazkiak, ortoargazkiak eta hegaldi panoramikoak (JPG, ECW eta COG formatuak).
-
Administrazio barrutiei buruzko informazioa (DXF eta SHP formatuak)
