Abisuak - geo

GeoArabaren bisorean kontsulta eta kuxkuxeatu daiteke Arabako ortoargazkirik zaharrena. < Konparatu Mapak > tresna erabiltzea gomendatzen dugu, argazkiak hartu zirenetik ia 100 urte igaro diren honetan paisaiak izan duen eraldaketa hobeto ikusteko.
Gainera, Arabako biztanle nukleo bakoitzaren PDF aurkezpen eta irudi geoerreferentziatu bat dago eskuragarri deskarga-guneko ortoargazkien atalean. Ere deskarga daiteke 1:5000 orrietan banatuta.

Hasi aurretik, aurkezpen-bideo hau ikustera gonbidatzen zaitugu.

Iraganera bidaiatu GeoArabarekin!

Dagoeneko eskuragarri daude GeoAraban Arabako erpin geodesikoen erreseinen diseinu berriak. Banan-banan kontsulta eta deskarga daitezke bisorean.

Erreseina bakoitzean erpinaren ezaugarriei eta koordenatuei buruzko informazioa dago, bai eta haren egoerari eta sarbideari deskribapena ere.

Gainera, GeoArabako deskarga-gunearen Informazio Geodesikoaren atalean, PDF liburu bat dago, Arabako Sare Geodesikoaren erreseina guztiekin.

Erakusketa ibiltari bat izango da ikusgai otsailean eta martxoan, Geoaraba atari geografikoa eta hainbat gairi buruz kontsulta daitekeen arloko informazio guztiaren edukia ezagutarazteko.

Erakusketak Geoaraban eskuragarri dauden funtzionalitateen berri eman nahi du, bai eta bertan argitaratutako askotariko informazio ugariaren edukiaren berri ere. Horretarako, dibulgazioko hainbat eduki aurkezten ditu 4 erakustoki dituzten 8 kubo eta guztira 32 panelen bidez.

Lehenengo kuboan web tresnaren funtzionalitateei buruzko informazioa dago. Gainerako zazpi kuboek, berriz, Arabako Lurralde Historikoko kuadrilla bakoitzeko bat, hainbat gai jorratzen dituzte, eta dagokien kuadrillako adibideekin azaltzen dituzte.

Erakusketa honako herri hauetara eramango dute:

• Gorbeialdeko-Kuadrilla: Izarra, otsailaren 4tik 11ra

• Aiarako Kuadrilla, Laudio, otsailaren 11tik 19ra

• Arabako Lautadako Kuadrilla, Agurain, otsailaren 20tik 26ra

• Arabako Mendialdeko Kuadrilla, Kanpezu, otsailaren 26tik martxoaren 5era

• Laguardia-Arabako Errioxako Kuadrilla, Laguardia, martxoaren 5etik 11ra

• Añanako Kuadrilla, Ribabellosa, martxoaren 12tik 20ra

• Gasteizko Kuadrilla, martxoaren 22tik apirilaren 2ra
   

Hirigintzako geruzei erantsi zaie Iekora udalerriko HAPOaren dokumentazio grafikoa.

Dagoeneko herritarren eskura dago oinarrizko mapa gris berria (AFA). Mapa berri hau, bere kolore neutro eta diskretuari esker, oso erabilgarria da gai baten edukia nabarmentzeko. GeoArabaren gainerako mapak bezala, mapa grisa Arabako Foru Aldundiaren BTA5000 kartografiako datuekin elikatzen eta eguneratzen da. Oinarrizko mapa gisa erabil daiteke GeoArabaren bisorean, eta WMTS zerbitzu ere kargatu daiteke nahiago den aplikazioan.

Gasteizko udalerriari dagozkion Foronda, Gereña, Legarda eta Uribarri Dibiñako dermioetako kontzeju lerroak argitaratu dira, dagozkien mugarriekin.

Lan hori aipatutako toki erakundeen laguntzarekin egin da. Izan ere, lankidetza hori ezinbestekoa da azken emaitza hain ona lortzeko.

Oso erabilgarria da aireko jarduerak maite dituztenentzat eta kalitatezko kartografia behar duten profesionalentzat, lurraldearen ikuspegi arin eta osoa lortzeko aukera ematen baitu. GeoArabaren Mapa Topografikoa informazio zehatzagoa emateko asmoarekin diseinatu da erliebearen pertzepzio onarekin konbinatuta. Oinarrizko mapa gisa erabil daiteke GeoArabaren bisorean, eta WMTS zerbitzu gisa kargatu daiteke nahiago den aplikazioan.

Adibidez, Oruxmapen eta IGNren aplikazioaren erabiltzaileek Mapas/WMTS/+/ WMTS MAP (ONLINE) atalean karga dezakete, URL hau adieraziz: https://geo.araba.eus/wmts/1.0.0/WMTS_OinarrizkoMapak.xml

Irudi berritua eta eguneratua duen oinarrizko mapa berri bat sortu da, Arabako Foru Aldundiaren BTA5000 kartografiako datuekin. Oinarrizko mapak sinbologia diskretua du, beste informazio geografiko bat gainjarri ahal izateko. Oinarrizko mapa gisa erabil daiteke GeoArabaren bisorean, eta WMTS zerbitzu gisa karga daiteke nahiago den aplikazioan.